فيلم 3 idiots


Résultat de recherche d'images pour "3 idiots"

مؤخرا تفرجت فواحد الفيلم رائع بامتياز باعتبار القضية اللي كيناقشها قضية كتقيس واحد من الأعمدة لكتوقف عليها الدول اللي هو التعليم , كنهدرو هنا على واحد من أنجح الأفلام الهندية بحيث تم ادراجو فقائمة أفضل أفلام السينما الهندية عبر التاريخ و حصل على أكثر من 40 جائزة دولية كما حاز على تقييم نقدي ايجابي فمواقع تقييم و نقد الأفلام 

ثلاثة طلاب جامعيين من طبقات اجتماعية مختلفة التحقوا بكلية الهندسة الملكية في العاصمة نيودلهي اللي كتعتبر من أفضل كليات الهندسة فالهند , فرحان و راجو غيتعرفو على رانشو و غيسكنو مع بعض و غيتلاقاو مدير الكلية فارو الملقب بفيروس لغيكشتفو الحقيقة المفجعة ، كل المواد لكيدرسوها قائمة على الحفظ و التلقين , تواحد مكيفهم شي حاجة الدرجات و النقط لكيحصلو عليها الطلاب كتكون بناءا على شحال حفظتي من دكشي لعطاوك الاساتذة و فالواقع مكيفهمو والو الشيء اللي حول الطلاب لألات تتحفظ المعلومات , من هنا غيبداو الاصدقاء الثلاثة فالتمرد و الدخول في تحد ضد نظام التعليم 

هاد الفيلم كيبين لينا مشكلة كبيرة كيعيشها العالم كامل غي هو كين دول لوفرت أليات قدرت تقلل من السلبيات ديالها و كين لمعندوش غرض , التلاميذ ولاو بحال الألات كتحفظ و لا تغش باش تجيب مزيان و تنجح و أكبر دليل على لي كنقول هو يمكن لك تسول تلميذ شنو عقل على العام الفايت و تسنى الاجابة , هادشي عندو نتائج وخيمة جدا على البلد خصوصا البلدان النامية لمعمرها تحلم بشي تقدم فأي مجال بغات هادشي الا كانت عندها رغبة باش تقدم أصلا

اشترك في آخر تحديثات المقالات عبر البريد الإلكتروني:

0 الرد على "فيلم 3 idiots "

إرسال تعليق

إعلان أسفل عنوان المشاركة

إعلان وسط المشاركات 1

إعلان وسط المشاركات اسفل قليلا 2

إعلان أسفل المشاركات