جعل الحمقى مشاهير

Image associée


أولا صناعة المشاهير الحمقى ظاهرة عالمية كيعاني منها الغرب و المجتمع العربي بشكل متزايد جدا  باش منخدوش فكرة أن الغرب سالم من هاد المشاكل المجتمعاتية , هاد المشكل بان مع تطور و الانفتاح على مواقع التواصل الاجتماعي الشيء لفتح الباب لفارغي الهوايات و المعارف للوصول للشهرة , بالطبع كاين لتشهر بسبب العلم ديالو و البعض منهم بسبب موهبتو لي كيوظفو الشهرة ديالهم لافادة غيرهم تطبيقا لمقولة جميلة " الشهرة وسيلة و ليست غاية " , أما المشاهير الحمقى فغايتهم هي الشهرة ولي يقدرو يديرو أي حاجة باش يحققوها 

سواء بغينا و لا لا فحنا لجعلنا من الحمقى مشاهير , مكنصحكومش تلتزموا الجدية طوال الوقت و لكن منجعلوش الضحك كهدف لاستخدامنا مواقع التواصل الاجتماعي و مكنقولش أن الكوميديا خاصنا نحاربوها بالعكس الكوميديا من الوسائل لتنوير المجتمع ومناقشة قضاياه , و المشكلة الحقيقة هي جعل من هاد الحمقى قدوة , فالشباب المتؤثر بهاد الأشخاص كيستمد منهم معايير خاطئة الأمر الذي يؤدي لانحراف أولوياتهم و اتلاف طموحاتهم عن الطريق الصحيح 

فالعامل الأول لانتشار هاد الوباء في نظري هو الاعلام  بحيث صاحب لاشيء يدعم ويحفز أما صاحب الموهبة و العلم و الفائدة بصفة عامة معندو حتى شي منبر ليدعمو 
و منقدرش نقول أن هادي مؤامرة لتشتيت عقل الشباب و المجتمع عامة يمكن تكون خطة استراتيجية لابقائنا في الظلام لكن واش نتفرجو فيها الا معندكش اعلام و صحافة نزيهة كون نتا الاعلام ديال راسك ديال العائلة ديالك ديال المجتمع ديالك 

الا تعمقنا فهاد الموضوع كثر غنلقاو شحال كنضيعو قدرتنا على الانجاز و العطاء و الافادة و الاستفادة , مجتمعنا سفينة كل واحد فينا القائد ديالها نحاولو منحرفوهاش على مسارها 

اشترك في آخر تحديثات المقالات عبر البريد الإلكتروني:

0 الرد على "جعل الحمقى مشاهير"

إرسال تعليق

إعلان أسفل عنوان المشاركة

إعلان وسط المشاركات 1

إعلان وسط المشاركات اسفل قليلا 2

إعلان أسفل المشاركات